ئه‌وه‌ی بێت بۆ به‌رلین، کاتی به‌ فیڕۆ ناچێت.
له‌ به‌رلین زۆر کون و قوژبن هه‌یه‌ بۆ پشکنین، بۆ گشت جۆره‌ حه‌زێک ده‌رگای دیاریکراو هه‌یه‌.
خوازیاری کلتوریت؟، ئه‌وه‌ ژماره‌یه‌کی زۆر له‌ مۆزه‌خانه‌ Museen، پێشانگا Ausstellungen، موزیک Musical، ئۆپێرا Opernhäuser، شانۆ Theater و گشت چالاکییه‌کی سه‌رشانۆ Varietés ده‌رگایان واڵایه‌ له‌ کات و ساتی دیاریکراودا.
بۆ دیتنی سه‌رانسه‌ری شاری به‌رلین له‌ چه‌ند ساتێکی که‌مدا، ئه‌وه‌ نابێت چونه‌سه‌ر مناره‌ی ته‌له‌فزیۆنی به‌رلین "فێرنزێتورم" Fernsehturm که‌ به‌رزییه‌که‌ی 368 مه‌تره‌ له‌ یاد بکه‌یت.
بۆ به‌ڕێکردنی ڕۆژێکی خۆش له‌گه‌ڵ خێزان و هاوڕێیان، ئه‌وه‌ به‌ دڵنیایی تیرپارک Tierpark و تسۆ Zoo په‌سه‌ندترین جێگان.
بۆ هاوینیش چه‌ندین مه‌له‌وانگه‌ی کراوه‌ ده‌رگاکانیان کراوه‌ن.
بۆ بازاڕیکردن له‌ گشت بواره‌کاندا ئه‌وه‌ هه‌رپێویستناکات ناویان بهێنرێت هێنده‌ زۆرن.
ژیانیش له‌ شه‌ودا هه‌مه‌ چه‌شنه‌ و به‌گوێره‌ی حه‌ز و توانای گیرفان جمه‌ی دێت‌.
به‌رلین یه‌کێکه‌ له‌ سه‌وزترین شاره‌کانی ئه‌ڵمانیا، به‌ بونی چه‌ند دارستانێک و چه‌ندین باخ و باخچه‌ی گه‌وره‌، هه‌روه‌ها ئه‌ملاولای گشت جاده‌کانی به‌شێوه‌یه‌کی دروست دار ڕێژکراوه‌. زیاتر له‌ 2500 باخچه‌ی سه‌وزی تێدایه‌، که‌ به‌ پانتایی زیاتر له‌ 5500 هێکتار مه‌زه‌نده‌ ده‌کرێت. ئه‌مه‌ له‌گه‌ڵ ئه‌و هه‌موو زێ و ڕووبارانه‌ی هه‌ن، جوانترین دیمه‌نی سه‌رنجڕاکێش بۆ خه‌ڵکی شاره‌که‌ و میوانه‌کانی ده‌خولقێنن.
هاتووچۆ له‌ به‌رلین وا ڕێکخراوه‌ که‌ به‌ ئاسانترین شێوه‌ و ڕێگا ده‌گه‌یته‌ شوێنی مه‌به‌ست. ئه‌م هۆیانه‌ی هاتوچۆ هه‌ن:
15 هێڵی قیتار (ئێس بان)، 9 هێڵی ژێر زه‌وی (ئوبان)، 23 هێڵی جاده‌ (شتراسنبان)، 150 هێڵی پاس و 6 هێڵی تری تایبه‌تی گواستنه‌وه‌.

ewey bêt bo Berlîn, katî be fîro naçêt.
le Berlîn zor kun u qujbin heye bo pişknîn, bo gişt core hezêk dergay diyarîkiraw heye.
xwaziyarî klturît?, ewe jimareyekî zor le mozexane Museen, pêşanga Ausstellungen, muzîk Musical, opêra Opernhäuser, şano Theater u gişt çalakiyekî serşano Varetés dergayan walaye le kat u satî diyarîkirawda.
bo dîtinî seranserî şarî berlîn le çend satêkî kemda, ewe nabêt çuneser minarey telefzîonî Berlîn Fernsehturm ke berziyekey 368 metire le yad bikeyt.
bo berêkirdinî rojêkî xoş legel xêzan u hawrêyîan, ewe be dlniyayî tîrpark Terpark u tso Zoo pesendtirîn cêgan.
bo hawînîş çendîn melewangey kirawe dergakaniyan kirawen.
bo bazarîkirdin le gişt biwarekanda ewe herpêwîstinakat nawiyan bhênrêt hênde zorn.
jiyanîş le şewda heme çeşne u beguwêrey hez u twanay gîrfan cmey dêt‌.
berlîn yekêke le sewztirîn şarekanî elmaniya, be bunî çend darstanêk u çendîn bax u baxçey gewre, herweha emlawlay gişt cadekanî beşêweyekî drust dar rêjkirawe. ziyatir le 2500 baxçey sewzî têdaye, ke be pantayî ziyatir le 5500 hêktar mezende dekirêt. eme legel ew hemû zê u rûbaraney hen, cwantirîn dîmenî serncrakêş bo xelkî şareke u mîwanekanî dexulqênin.
hatûço le berlîn wa rêkxirawe ke be asantirîn şêwe u rêga degeyte şuwênî mebest. em hoyaney hatuço hen:
15 hêlî qîtar (iês ban), 9 hêlî jêr zewî (iuban), 23 hêlî cade (ştirasnban), 150 hêlî pas u 6 hêlî tirî taybetî gwastinewe.