رێژه‌ی بێگانه و چڕی نیشته‌جێبونیان له ناوچه و گه‌ڕه‌که‌کانی به‌رلیندا
ژماره‌ی کورد له به‌رلین
بۆ زانینی ژماره‌ی کورد له به‌رلین، به‌گوێره‌ی خه‌مڵاندنی بنکه‌ی ئامۆژگاری ئه‌ڵمانی (دۆیچه بێڕاتونگشتێله) و هه‌ندێک ناوه‌ندی کوردی، قسه له 50 تا 70 هه‌زار کورد ده‌کرێت، واتا ژماره‌یه‌کی زۆر به‌ڵام نادیار، هۆکه‌شی ده‌گه‌ڕێته‌وه بۆ نه‌بونی ئامارێکی دروست له سه‌ر بوونی کورد.کورد وه‌ک نه‌ته‌وه ده‌ستنیشان نه‌کراوه له ئه‌ڵمانیا تا ئاماری دروستی بۆ بکرێت.
سیسته‌می ئامار له ئه‌ڵمانیا بۆ بێگانه پشتبه‌سته به ڕه‌گه‌زنامه، مه‌خابن کورد خاوه‌نی ڕه‌گه‌زنامه‌کانی تورکی و عێراقی و ئێرانی و سوری یان ئه‌و ووڵاتانه‌ی که له مێژه کورد کۆچی بۆیان کردووه وه‌ک لوبنان و جۆرجیا و هتد، هه‌رئه‌مه‌شه بۆته هۆی ئه‌وه‌ی ژماره‌ی کورد له ئاماره‌کانی ئه‌ڵمانیادا وونبن. وه‌کو تر کوردگه‌لێکی تریش هه‌ن که له مێژه ڕه‌گه‌زنامه‌ی ئه‌ڵمانییان هه‌یه و له خانه‌ی ئه‌ڵماندا هه‌ژمار ده‌کرێن.
به گوێره‌ی ئاماره فه‌رمییه‌کان ئه‌و تورکانه‌ی خاوه‌نی ڕه‌گه‌زنامه‌ی ئه‌ڵمانین نزیکه‌ی 130.000 ده‌بن، کودیش له ئاماره‌که‌دا به تورک ناونوس کراوه. وا ده‌خه‌مڵێنرێت نیوه‌ی زیاتری ئه‌م ژماره‌یه کوردبن، چونکه هه‌ر له‌زووه‌وه کورد بڕیاری مانه‌وه‌ی دابوو له ئه‌ڵمانیادا به‌هۆی نه‌بونی هیوایه‌کی گه‌ش به ئازادی و هه‌ستکردن به کوردبونیان له ژێر ده‌سه‌ڵاتی تورکیادا.
به‌داخه‌وه سه‌رده‌مانێکی دوور و درێژ هه‌موو ئه‌و کوردانه‌ی که وه‌ک هێزی کار هێنرابوون یان ئه‌وانه‌ش که له پاش کوده‌تاسه‌ربازییه سه‌رنه‌که‌وتووه‌کان و کاره‌ساته یه‌ک له دوای یه‌که‌کانی گشت پارچه‌کانی کوردستانه‌وه هاتوونه‌ته ئه‌ڵمانیا وه‌ک کورد هه‌ژمار نه‌کراون و نه‌بونه‌ته بابه‌تێکی وروژێنه‌ری کاریگه‌ر له‌سه‌ر سیاسه‌ت و سیاسه‌تمه‌دارانی ئه‌ڵمانی.
هه‌ر ئه‌مه‌ش بۆ خۆی پرسیاره!! بۆچی؟
jimarey kurd le Berlîn
bo zanînî jimarey kurd le Berlîn, beguwêrey xemlandinî binkey amojgarî elmanî deutscher Beratungsstellen u hendêk nawendî kurdî, qse le 50 ta 70 hezar kurd dekirêt, wata jimareyekî zor belam nadiyar, hokeşî degerêtewe bo nebunî amarêkî drust le ser bûnî kurd.kurd wek netewe destinîşan nekirawe le Elmaniyada ta amarî drustî bo bikirêt.
sîstemî amar le Elmaniya bo bêgane piştbeste be regezname, mexabin kurd xawenî regeznamekanî Turkî u 'Êraqî u iÊranî u Surî yan ew ûlataney ke le mêje kurd koçî boyan kirduwe wek Lubinan u Corciya u .., her emeşe bote hoy ewey jimarey kurd le amarekanî elmaniyada ûnbin. weku tir kurdgelêkî tirîş hen ke le mêje regeznamey elmanîan heye u le xaney elmanda hejimar dekirên.
be guwêrey amare fermiyekan ew turkaney xawenî regeznamey elmanîn nzîkey 130.000 debin, kudîş le amarekeda be turk nawnus kirawe. wa dexemlênrêt nîweî ziyatirî em jimareye kurdibn, çunke her lezuwewe kurd biriyarî manewey dabû le elmaniyada behoy nebunî hîuwayekî geş be azadî u hestkirdin be kurdibuniyan le jêr deselatî turkiyada.
bedaxewe serdemanêkî dûr u drêj hemû ew kurdaney ke wek hêzî kar hênrabûn yan ewaneş ke le paş kudetaserbaziye sernekewtuwekan u karesate yek le duway yekekanî gişt parçekanî kurdistanewe hatûnete elmaniya wek kurd hejimar nekirawn u nebunete babetêkî urujênerî karîger leser siyaset u siyasetmedaranî elmanî.
her emeş bo xoy pirsiyarh!! boçî?
Copyright © 2010 Salar service