بۆ به‌رز ڕاگرتنی یادی هه‌ڵه‌بجه‌ و ئه‌نفال و قامیشلو چوارشه‌ممه‌ 16.3 له‌ به‌رلین و له‌به‌رده‌م که‌نیسه‌ی وه‌بیرهێنه‌ره‌وه‌ له‌ کودام کۆبونه‌وه‌یه‌کی جه‌ماوه‌ری سازکرا و ئێواره‌ش کۆڕێکی هه‌مه‌لایه‌نه‌ بۆ تیشکخستنه‌ سه‌ر مه‌رگه‌ساتی هه‌ڵه‌بجه‌ و هه‌نفال و سه‌رهه‌ڵدانی قامشلۆ سازکرا
به‌ڕێوه‌چونی مه‌راسیمه‌کان به‌ وێنه‌ ببینه‌ >>

ئاگادارییه‌ك له‌ ناوه‌ندی کوردییه‌وه‌ (سه‌نترومی کوردی)
ناوه‌ندی کوردی ده‌خوازن گروپی گۆڤه‌ند دابمه‌زرێنن‌ و ئه‌وانه‌ی ده‌یانه‌وێت به‌شداربن و ببنه‌ ئه‌ندامی گروپه‌که‌، تا کۆتایی مانگی ئازار په‌یوه‌ندی بکه‌ن و خۆیان ناونوس بکه‌ن، ژماره‌ی ئه‌ندامانی گروپ دیاریکراو ده‌بێت.
ته‌مه‌ن له‌ 10 ساڵ تا 50 ساڵ ده‌بێت.
گروپه‌که‌ به‌گوێره‌ی ته‌مه‌ن پۆلێن ده‌کرێن.

له‌ نمایشێکی بێوێنه‌دا لاوانی کوردی به‌رلین له‌ چه‌ند شه‌قام و جێگه‌یه‌کی دیاری به‌رلین نمایشێکی قه‌شه‌نگی جل و به‌رگ و دیلانی کوردی ده‌که‌ن. ئه‌مه‌ش وه‌ك پێش نمایشێك بۆ ڕۆژی نمایشی جل و به‌رگی کوردی که‌ شه‌ممه‌ی ڕێکه‌وتی 12/3/2011 له‌ بوکله‌پارکی به‌رلین سازکرا
هاتن بۆ هه‌موانه‌، شوێن و کاتی نمایشه‌که‌:
Statthaus Böcklerpark
Prinzenstr. 1, 10963 Berlin

ناوه‌ندی یه‌کماڵ نه‌ورۆز بۆ منداڵان سازده‌کات.
ناوه‌ندی یه‌کمال وه‌ك هه‌موو ساڵێك ئاهه‌نگێکی خنجیلانه‌ بۆ منداڵان سازده‌کات، به‌ مه‌به‌ستی ناساندنی جه‌ژنی نه‌ورۆز و ئاگرکردنه‌وه‌.
هاتن بۆ هه‌موانه‌ له‌م ناونیشانه‌:
Yekmal e.V.
Cuvrystraße 13/14, 10997 Berlin
بۆ زانیاری زیاتر و به‌رنامه‌ کلیک بکه‌

بۆ به‌رز ڕاگرتنی یادی 7 ساڵه‌ی ڕاپه‌رینی کوردستانی سوریا، له‌ به‌رلین کۆمیته‌ی کاری هاوبه‌شی کوردی سوریا له‌ ئه‌ڵمانیا چالاکییه‌کی گه‌وره‌ له‌ سێ ڕۆژی 9، 10، 11 ی ئازار سازده‌که‌ن به‌م شێوه‌یه‌:
9.3.2011 خۆپیشاندان له‌به‌رده‌م باڵیۆزخانه‌ی سوریا ده‌مژمێر 12 تا 17
10.3.2011 جارێکی تر له‌ به‌رده‌م باڵیۆزخانه‌ له‌ ده‌مژمێر 10 تا 17
11.3.2011 سه‌ره‌تا له‌ ده‌مژمێر 10 تا 13 له‌ به‌رده‌م باڵیۆزخانه‌ و پاشان به‌ ڕێپێوان بۆ به‌رده‌م براندن‌بورگه‌ر‌ تۆر، له‌وێ میهره‌جانێکی وتارخوێندنه‌وه‌ تا ده‌مژمێر 18 سازده‌کرێت.
به‌شداری کوردی گشت پارچه‌کان له‌م یاده‌دا نیشانه‌ی ڕێزلێنانه‌ له‌ یادی ڕاپه‌ڕینه‌ مه‌زنه‌که‌ی باشوری بچوك که‌ هاوکات بو له‌گه‌ڵ یادی ڕاپه‌ڕینه‌ مه‌زنه‌که‌ی باشور و ڕاماڵینی ڕژێمی به‌عس.
ناونیشانی باڵیۆزخانه‌ی سوریا
Rauchstr.25, 10787 Berlin

پاش ئه‌وه‌ی له‌ نه‌خشه‌ی گوگل سنوری کوردستان دانرا، دوژمنانی کورد کوێر و هاربون و هه‌مو هه‌وڵه‌کانیان خستۆته‌ گه‌ر بۆ سڕینه‌وه‌ی له‌سه‌ر ئه‌و نه‌خشه‌یه‌. به‌ڵام ئه‌و دوژمنانه‌ له‌بیریان چوه‌ که ئه‌و سنوره‌ ته‌نها له‌سه‌ر نه‌خشه‌که‌ی گوگل نییه‌، به‌ڵکو ڕاستییه‌که‌ و به‌ده‌ره‌ له‌ ویستی ئه‌و دوژمنانه‌. له‌م به‌سته‌ره‌ نه‌خشه‌که‌ ببینه‌ ..

هه‌روه‌ک لای زۆرتان ئاشکرایه‌، بۆ جێبه‌جێکردنی کاروباری هاوسه‌رگیری و یه‌کگرتنه‌وه‌ی خێزان (هێنانی هاوسه‌ر بۆ ئه‌ڵمانیا) پێویسته‌ زمانی ئه‌ڵمانی بخوێندرێت و تاقیکردنه‌وه‌یه‌کیش بکرێت و ئه‌نجامه‌که‌ی ده‌رچونبێت!
جاران بۆ ئه‌م مه‌به‌سته‌ ده‌بوایه‌ بچونایه‌ بۆ تورکیا یان سوریا، به‌ڵام ئێستا ده‌تواندرێت ئه‌و تاقیکردنه‌وه‌یه‌ له په‌یمانگای گۆته‌‌ له‌ هه‌ولێری پایته‌ختی هه‌رێمی کوردستان بکرێت.
بەڵام، دوا بە دوای دەرچونیان بە سەرکەوتویی پێویستە ئەنجامی تاقیکردنەوەکە بگەیەننە کۆنسولیەتی ئەڵمانی لە ئەنقەرە بۆ جێبەجێ کردنی داخوازیەکانیان. ئەویش لەبەر ئەوەی تاکو ئێستا کۆنسولیەتی ئەڵمانی لە هەولێر دەست بەکار نیە بۆ مەبەستی داواکاریەکان و کاری ڤیزه‌ بۆ هاوسەرگیری. زانیاری زیاتر >>

دکتۆر گوتنبێرگ، ببورن دکتۆراکه‌ی لێسه‌ندرایه‌وه‌ کارل-تیودۆر گوتنبێرگ وه‌زیری به‌رگری ئه‌ڵمانیا که‌ سه‌ر به‌ پارتی سۆسیالیستی کریستی ئه‌ڵمانیا یه‌، له‌ ئه‌نجامی ئه‌و فشاره‌ی خرایه‌ سه‌ری ده‌ستی له‌ کاره‌کی کێشایه‌وه‌، پاش ئاشکرابونی نادروستی له‌ دکتۆراکه‌ی دا که‌ چه‌ند بابه‌تێکی له‌ خه‌ڵکی تره‌وه‌ کۆپی کردبوو بێ ئه‌وه‌ی ده‌ستنیشانی سه‌رچاوه‌کانی کردبێت.
هه‌ربۆیه‌ تیتلی دکتۆری لێسه‌ندرایه‌وه‌ و خۆشی وازی له‌ پۆسته‌که‌ی هێنا. به‌ وته‌ی گۆرانییه‌که‌ی له‌مه‌ڕ خۆمان: ئه‌میشم چو ئه‌ویش چوو به‌جارێ ماڵی وێرانم.
به‌ ئومێدی هه‌مان چاره‌نوس بۆ ته‌زویرچییه‌کانی لای خۆشمان
به‌رپرسی گه‌نده‌ڵ لێره‌ش هه‌یه‌، به‌ڵام یاسا و لێپێچینه‌وه‌ش هه‌یه‌.

که‌رنه‌ڤاڵ له‌ به‌رلین مێژوه‌که‌ی ده‌گه‌ڕێته‌وه‌ بۆ سه‌ده‌ی 15 کاتێك لاوزیتسه‌کان دێنه‌ به‌رلین گروپی گه‌ڕۆك و سه‌ماکه‌ر دێنن، هه‌رچه‌نده‌ پێشتریش به‌‌ به‌لگه‌ی مێژویی له‌ 1430 دا و له‌ چوارچیوه‌ی خێزانیدا که‌ ئه‌وسه‌رده‌مانه‌ خێزانی گه‌وره‌ و پێکه‌وه‌ ژیان هه‌بووه،‌ ئاهه‌نگی گه‌وره‌ی شێوه‌ که‌رنه‌ڤاڵ سازدراوه‌. >>>به‌رده‌وامبه

فلیمی کوردی شوێنێك بۆ یاری. نوسین و ده‌رهێنانی شه‌وکه‌ت ئه‌مین و نواندنی شوان عه‌توف له‌ به‌رلین نمایشده‌کرێت له‌م ناونیشانه‌
fsk Kino am Oranienplatz
Segitzdamm 2, 10969 Berlin
ڕۆژانه‌ له‌ کاتژمێر 20:00

کۆمه‌ڵه‌ی پزیشکانی کورد له‌ ئه‌ڵمانیا به‌شێوه‌یه‌کی چالاکانه‌ له‌ کۆنگره‌ پزیشکییه‌کاندا که‌ چه‌ند ساڵێکه‌ له‌ باکور و باشوری کوردستان سازده‌کرێت ڕۆڵی خۆیان ده‌بینن و جێگه‌ی خۆیانیان به‌ کار و چالاکییه‌کانیان کردۆته‌وه‌، هه‌ربه‌هۆی سازدانی ئه‌م کۆنگرانه‌وه‌ په‌یوه‌ندییه‌کی باش و دۆستانه‌ له‌ نێوان دکتۆر و کارمه‌نده‌ پزیشکییه‌کاندا له‌ گشت پارچه‌کانی کوردستاندا دروست بووه‌. به‌رده‌وامبه‌